Estás en:

Detalle trámite

Rexistro de animais perigosos

Descargar impresos

(off line)

Iniciar trámite

(on line)

Descrición

O procedemento de "rexistro de animais perigosos" pretende regular a identificación e rexistro dos animais considerados potencialmente perigosos, segundo o recollido no Decreto 90/2002, do 28 de febreiro, polo que se regula a tenza de animais potencialmente perigosos na Comunidade Autónoma de Galicia e se crean os rexistros de identificación de animais de compañía e potencialmente perigosos e de adestradores e adestradoras de cans.

Quen pode presentar unha solicitude

Calquera persoa física ou xurídica que desexe rexistrar un animal considerado como potencialmente perigoso, ou facer algunha modificación ou comunicación a un rexistro xa feito.

Como e onde facer o proceso

Preferentemente de forma telemática a través do botón “Iniciar trámite”. Se a persoa interesada non utiliza a vía telemática, poderase descargar o impreso ou impresos dende esta páxina ou acudir ao rexistro do Concello, onde lle facilitarán o dito impreso/s normalizado/s para presentar.

Documentación

Solicitude de rexistro de animais perigosos (adicionalmente, o dona ou a dona pode solicitar a expedición de licenza administrativa para a tenencia de animais potencialmente perigosos).
Licenza de tenza de animais perigosos. Copia da licenza en vigor de tenza de animais perigosos. (1)
Seguro de responsabilidade civil. Documento acreditativo da formalización dun seguro de responsabilidade civil, no que se especifique claramente o importe da cobertura. Este seguro deberase renovar anualmente.
Certificado sanitario. Certificado sanitario, expedido por un veterinario ou veterinaria de alta no colexiado profesional, que acredite con periodicidade anual a situación sanitaria do animal, a inexistencia de enfermidades que o poidan facer potencialmente perigoso e a ausencia de lesións ou cicatrices que puidesen estar relacionadas coa utilización do animal en pelexas ou outras actividades prohibidas.
Certificado de implantación de microchip. Copia do certificado acreditativo da implantación dun microchip, no que figure o código identificador do animal, asignado polo veterinario ou veterinaria responsable.
Libro sanitario. Copia do libro sanitario actualizado cos tratamentos preceptivos e preventivos propios da especie e idade do animal. No libro sanitario figurará a clasificación do animal como potencialmente perigoso.
Datos do centro de adestramento (opcional). Datos relativos ao adestramento recibido, proporcionados polo centro correspondente.

(1) No caso de que o dono ou a dona tamén solicite a expedición de licenza administrativa para a tenencia de animais potencialmente perigosos, adicionalmente deberá presentar:

Fotocopia do D.N.I. (só en caso presencial).
Certificado de antecedentes penais.
Certificado de non ter sancións por infraccións graves ou moi graves da Lei 50/1999, de 23 de decembro, sobre o Réxime Xurídico da Tenencia de Animais Potencialmente Perigosos.
Certificado de capacidade física e de aptitude psicolóxica, emitido pola dirección dos Centros Médico-Psicotécnicos de recoñecemento que estean debidamente autorizados.

Normativa